27. الرّؤيا

كتاب الرّؤيا ظهّرو الله ليوحنّا في آخر القرن الأوّل. الوقت آذاكا الكنيسة كانت تعيش في اضطهاد كبير وهو كان منفي في جزيرة بطمس. أكثر حاجة ركّز عليها الكاتب هي إنّو يشجّع الّي يقروا الكتاب ويملى قلوبهم بالأمل ويأكّد عليهم إنّهم يثبتوا في وقت العذاب والإضطهاد.

أكبر جزء مالكتاب هو مجموعة متاع رؤى وإعلانات جات في لوغة رمزيّة كيف: العرش متاع الله( 4: 1 – 11 ) والمخطوطات والعلّوش ( 5 : 1 – 14 ) يورّوا قوّة الله. حلاّن الخواتم السّبعة

( 6: 1 _ 8: 5 )، النّفخان في السّبعة أبواق( 8: 6 _ 11 : 19)، وتفريغ السّبعة كيسان (16: 1 – 21 ) الّي يورّي الحكم القوي متاع الله على العالم.

رغملّي النّاس يختلفوا في فهمان التّفاصيل متاع الكتاب، الموضوع الرّئيسي واضح: المسيح بش ينتصر في الإخر على أعداءوا الكلهم، بما فيهم الشّيطان، وبش يجازي عبادو الصّادقين بالبركات متاع السماء الجديدة والأرض الجديدة وقتلّي الإنتصار متاعو يكمل

Thumbnail image